افغانستانده گی سیل حادثه لریده اونلب کیشی حیاتینی یوقاتدی

افغانستان نینگ لوگر ولایتیده آلدینگی آقشم یوز بیرگن سیل فلاکتیده 20 کیشی حیاتینی یوقاتدی.

لوگر والیسی مولوی عنایت الله شجاع، مطبوعاتگه بیرگن بیاناتده، آلدینگی آقشم یوز بیرگن یامغیرنینگ سیل گه سبب بولگن لیگینی بیلدیردی.

لوگرنینگ خوشی تومنیده یوز بیرگن سیل فلاکتیده 20 کیشی نینگ حیاتینی یوقاتگن لیگینی شونده ی بولیب 32 کیشی نینگ یره لنگن لیگینی و 4 کیشی نینگ حلی گچه لادرک ایکن لیگینی قید ایتدی.

شجاع سیل طفیلی 3 مینگدن آرتیق اوی – جای نینگ زیان کورگن لیگینی افاده ایتدی.

طبیعی آفت گه قرشی کوره ش باشقرمه سی لوگر ولایتی باشلیغی مولوی عبدالله مفکر هم سیل تاثیر قالدیرگن انچه قیشلاقده انسانلرنینگ بند بولیب قالگن لیگینی و یاردم کوتیب تورگن لیگینی ایتدی.

طالبان اوتیش دوری حکومتی طبیعی آفت گه قرشی کوره ش دولت وزیرلیگی سوزچیسی محمد نسیم حقانی اولکه مقیاسیده سونگگی بیر آی ایچیده یوز بیرگن سیل حادثه لریده 165 کیشی نینگ اولگن لیگینی معلوم قیلدی. حقانی شونده ی بولیب مینگلب حکتار ییرگه سیل نینگ زیان ییتکیزگن لیگینی بیلدیردی.