بیرلشگن ملتلر تشکیلاتی طالبان باشقرووی بیلن فعالیت آلیب باریش گه دوام ایته جکلرینی ایتدی

بیرلشگن ملتلر تشکیلاتی انسان حقلری یوکسک کمیشنری میشل بچیلیت افغانستانده انسان حقلرینی قوریقلش اوچون اولکه نینگ کنترولی قولیده بولگن طالبان باشقرووی بیلن فعالیت آلیب باریش گه دوام ایته جکلرینی ایتدی.

میشل بچیلیت بیرلشگن ملتلر تشکیلاتی انسان حقلری کینگشی نینگ 49 – جلسه سیده قیلگن صحبتیده افغانستانده گی انسانی وضعیت بوییچه سوز یوروتدی.

بچیلیت اولکه ده توقنه شوولرنینگ انچه کمه یگن حالده انسان حقلری وضعیتی نینگ حلی هم قیغو بیرووچی ایکن لیگینی بیلدیردی.

بچیلیت "آلدینگی حکومت ییتکچیلریگه خوفسیزلیک ایشانچی بیریلگن حالده  آگست آییدن بیری 100 دن آرتیق افغانستان ملی خوفسیزلیک و مدافعه کوچلری ملازملری نینگ حاضرگی حاکملر تامانیدن سودسیز قتل قیلیش بیلن اولدیریلگنی حقیده خبرلر آلدیک" دیدی. اولکه ده گی طالبان اوتیش دوری جکومتی گه حقوقی مسؤلیتلرینی ادا قیلیشلری بوییچه چقیریغی گه دوام ایته جگینی تاکییدله گن بچیلیت اینیقسه خاتین – قیزلرنینگ تحصیل و تعلیم گه قتنشیشی نینگ اولکه نینگ کیلجگی و رواجلنیشی اوچون انچه اهمیت گه سزوار ایکن لیگینی قید ایتدی.

بچیلیت بیرلشگن ملتلر تشکیلاتی نینگ بو جریانده اولکه ده فعالیت آلیب باریشی نینگ اهمیتی گه دقت قره تیب شولرنی ایتدی:

"افغانستانده گی انسان حقلری ملازملریمیز، افغانستان خلقی نینگ انسان حقلری نینگ قوریقلنیشی و قوللب – قوتلنیشی اوچون حاضرگی باشقروو بیلن فعالیت آلیب باریش گه دوام ایته دی" دیب ایتدی.