تورکیه افغانستان خلقی نینگ دردی گه مرهم بولماقده

تورکیه جمهوریتی آفت و عاجل ضعیت لر اداره سی (آفاد) تامانیدن تنظیم ایتیلگن و تورکیه ده گی ایریم نادولت تشکیلات لرنینگ حمایتی بیلن توپلنگن یاردم لرنی تشووچی "یخشی لیک ریلی) نینگ طبی یاردم موادی, افغانستانده طالبان اوتکینچی حکومتی نینگ ساغلیق نی سقلش وزیرلیگی گه تاپشیریلدی. 

اوشبو مواد نینگ تاپشیریلیشی بوییچه کابلده بولیب اوتگن مراسمده تورکیه نینگ کابل ایلچی لیگی مستشاری ایمره ماناو, طالبان اوتکینچی حکومتی نینگ ساغلیق نی سقلش وزیرلیگی نینگ اورینباسری حبیب الله آخندزاده و کابل ده گی بعضی تورک موسسه لرنینگ نماینده لری اشتراک ایتدی.

ماناو, قیلگن صحبتیده, اوتمیشده افغانستان خلقی نینگ تورک خلقی نینگ یانیده بولگن لیگی اوچون ایندی بوگون تورک خلقی نینگ هم یاردم گه احتیاجی بولگن افغانستان خلقی نینگ یانیده ایکن لیگی نی معلوم قیلدی. 

ماناو, اوشبو "یخشی لیک ریلی" ده فرقلی یاردم موادی نینگ موجود ایکن لیگی نی معلوم قیلرایکن, مذکور یاردم لرنینگ افغانستانده 34 ولایتده خلققه ییتکزیب بیریله دیگن لیگی نی بیلدیردی. 

طالبان اوتکینچی حکومتی نینگ ساغلیق نی سقلش وزیرلیگی اورینباسری آخندزاده ایسه تورکیه نینگ فرقلی ساحه لر بوییچه افغانستانگه یاردم ایتگن لیگی نی بیلدیررایکن, اوشبو یاردم لرنینگ دوام ایتیشی نی آرزو قیلیاتگن لیک لری نی ایسله تیب اوتدی. 

آخندزاده, "تورکیه نینگ اینیقسه کووید 19 کسل لری و معتاد لرنینگ تداوی سی بوییچه یاردم ایتیشی نی طلب قیله میز.  مسلمان و دوست اولکه دن عبارت ایکن لیگی سببلی باشقه اولکه لر بیلن سالیشتیریلگنده تورکیه نینگ ینه ده کوپراق یاردمی نی طلب ایتماقده میز" دییه قید ایتدی. 

تورکیه نینگ یوبارگن یاردم لری غذایی مواد, قیشلیک کییم- کیچک, طبی مواد, معیوب لر اوچون بایسکل, اوینچاق و ساغلیق موادی دن عبارت.