تورکیه افغانستانگه بشری یاردم یوباردی

تورکیه نینگ افغانستان گه یوبارگن 750 تن بشری یاردم نی تاشووچی "یخشی لیک ریلی" پایتخت انقره دن حرکت قیلدی. 

اوشبو بشری یاردم موادی تورکیه جمهوریتی آفت و عاجل وضعیت لر اداره سی باشقرویده 11 یاردم موسسه سی نینگ سعی و حرکت لری نتیجه سیده توپله نیب افغانستانگه یوباریلدی. 

خوددی شوو بشری یاردم نینگ یوباریلیشی بوییچه انقره ده بولیب اوتگن مراسمده تورکیه جمهوریتی ایچکی ایش لر وزیری سلیمان سویلو, ترانسپورت و زیربنا وزیری عادل قاره اسماعیل اوغلی و دیانت ایش لری باشقرمه سی نینگ باشلیغی پروفیسر داکتر علی ارباش هم اشتراک ایتدی. 

قاره اسماعیل اوغلی اوشبو مراسمده قیلگن صحبتیده, تورکیه نینگ برچه مظلوم لر نینگ و یخشی لیککه محتاج کیشی لرنینگ هردایم یانیده بولیب کیلگن لیگی نی معلوم قیلدی. 

دوست و قرداش اولکه افغانستان خلقی نینگ هم یانیده ایکن لیک لری نی بیلدیرگن قاره اسماعیل اوغلی, "2 ریلی میز 47 واگن دن تشکیل تاپماقده و 750 تن گه یقین مواد تاشیماقده.  (ریل لر) 4 مینگ 168 کیلومترلیک مسافه نی طی قیله دی.  ایران و تورکمنستان آرقه لی افغانستانگه ییتیب باره دی" دییه قید ایتدی. 

ایچکی ایش لر وزیری سویلو ایسه, افغانستانده 12,9 میلیون باله نینگ ساووق هواده یاردم گه محتاج ایکن لیگی نی بیلدیررایکن, دنیا نینگ فرقلی جای لریده یمان وضعیتده بولگن انسان لرگه یاردم ایتیاتگن تورکیه نینگ, افغانستان خلقی نینگ هم یانیده بوله دیگن لیگی نی ایسله تیب اوتدی. 

سویلو, تورک ملتی نینگ غرب مدنیتی کبی وجدانی نی معطل قیلیب قویگن بیر ملت ایمس لیگی نی اورغوله دی.