نیمروز ولایتیده طالبان امنیتی پوسته گه هجوم اویوشتیردی

نیمروز ولایتیده طالبان جنگری لری نینگ بیر پوسته گه هجوم اویوشتیریشی عاقبتیده 9 نفر عسکر حیاتی نی یوقاتدی. 

نیمروز ولایتی کینگشی نینگ اعضاسی نعمت الله صدیقی, جنگری لرنینگ, خاشرود تومنی ده گی پوسته گه قره ته قوراللی هجوم اویوشتیرگن لیگی نی بیلدیردی. 

حادثه عاقبتیده 9 عسکر نینگ جان بیرگن لیگی و 5 عسکر نینگ ایسه یره لنگن لیگی نی بیلدیرگن صدیقی, 3 عسکر نینگ جنگری لرنینگ قولیگه توشگن لیگی نی معلوم قیلدی. 

عینی دمده کابل ده هم 3 پارتلش حادثه سی یوز بیردی. 

کابل امنیه قوماندان لیگی نینگ سوزچیسی فردوس فرامرز, کابل نینگ قلعه عبدالعلی, قوای مرکز و برکی منطقه لریده پارتلش حادثه لری نینگ یوز بیرگن لیگی نی بیلدیردی. 

فرامرز, اوشبو حادثه لر عاقبتیده 2 کیشی نینگ جان بیرگن لیگی و 5 نفر نینگ ایسه یره لنگن لیگی نی معلوم قیلدی. 

حاضرچه اوشبو پارتلش حادثه لری نینگ مسئولیتی نی ایسه هیچ بیر تامان اوز ذمه سیگه آلگن ایمس.