افغانستانده یوز بیرگن ایککی ایریم پارتلشده کوپلب کیشی حیاتینی یوقاتدی

افغانستان نینگ سرپل و ننگرهار ولایتلریده اویوشتیریلگن تروریستیک هجوملرده 9 نفر تینچ اهالی حیاتینی یوقاتدی.

سرپل والی لیگی سوزچیسی ذبیح الله امانی مطبوعاتگه بیرگن بیاناتده، سنگ چاره ک تومنی گه باغلیق گجوائی قشلاغیده بیر اویگه جایلشتیریلگن منفجره موادنینگ پارتلب کیتیشی عاقبتیده 6 نفر تینچ اهالی نینگ حیاتینی یوقاتگن لیگینی ایتدی.

امانی حادثه ده 2 کیشی نینگ ایسه یره لنگن لیگینی بیلدیردی.

ننگرهار والی لیگی سوزچیسی عطاوالله خوگیانی هم  پیچیر آگام تومنیده یول کناریده اورنه تیلگن منفجره موادنینگ تینچ اهالی تشووچی موتر اوته یاتگن پیتده انفجار بیریلگن لیگینی قید ایتدی.

خوگیانی بو هجوم عاقبتیده 3 کیشی تینچ اهالی نینگ حیاتینی یوقاتگن لیگینی بیر نفر تینچ اهالی نینگ یره لنگن لیگینی بیلدیردی.

هجوم نینگ مسؤلیتینی هیچ کیم بوینی آلگن یوق.