افغانستان ده سیلاو نتیجه سی گه عکس العمل کورسه تیلدی

افغانستان ده بولیب اوتگن جمهوررئیسلیک سیلاوی نینگ نهائی بولمه گن نتیجه سی گه کاندید لر و سیاستچی لر تامانیدن عکس العمل کورسه تیلدی. 

کاندید لردن بیری بولگن رحمت الله نبیل, توناوون اعلان قیلینگن سیلاو نتیجه سی نی قبول قیلیش لری نینگ ممکن ایمس لیگی نی بیلدیردی. 

نبیل, "اعلان قیلینگن سیلاو نتیجه سی دموکراسی و دموکراتیک پروسه لر گه اوریلگن قتتیق بیر ضربه دن عبارت" دییه قید ایتدی. 

مستقل سیلاو کمیسیونی نینگ ایرکین حرکت قیلمه گن لیگی نی بیلدیرگن نبیل, شوباعث خلق و کاندید لر جهتی دن اوز اهمیتی نی قولدن بیریب قویگن لیگی نی معلوم قیلدی. 

ینه بیر کاندید دن عبارت محمد شهاب حکیمی هم سیلاو نتیجه سی نی هیچ بیر شکلده قبول قیلمیدیگن لیک لری نی بیلدیردی. 

باشقه بیر کاندید بولگن احمد ولی مسعود ایسه قلاب لیک بیلن اعلان قیلینگن سیلاو نتیجه سی نینگ اعتبارگه ایگه ایمس لیگی نی بیلدیررایکن, اوشبو نتیجه نینگ بحران گه سبب بولیشی نینگ ممکن ایکن لیگی نی معلوم قیلدی. 

افغانستان جمهوررئیسی نینگ بیرینچی اورینباسری عبدالرشید دوستم رهبرلیگی ده گی ملی اسلامی جنبش حزبی تامانیدن هم سیلاو نتیجه سی حقیده بیانات بیریلدی. 

مستقل سیلاو کمیسیونی نینگ سیلاو پروسه سی ده گی فساد گه اورتاق ایگن لیگی بیلدیریلگن بیاناتده, اینگ مهم فساد نینگ کمیسیون نینگ 300 مینگ تقلبی رای نی اعتبار ایگه سی اوله راق سنه گن لیگی دن عبارت ایکن لیگی نی معلوم قیلدی. 

مستقل سیلاو کمیسیونی باشلیغی حوا علم نورستانی, توناوون, سیلاو لر نینگ انیق بولمه گن نتیجه سی نی اعلان قیلگن ایدی. 

بیرینچی بولگن محمد اشرف غنی نینگ 50,64 فایز رای آلگن لیگی نی بیلدیرگن نورستانی, عبدالله عبدالله نینگ ایککینچی و گلبدین حکمتیار نینگ ایسه اوچینچی اورین نی ایگلله گن لیگی نی معلوم قیلگن ایدی.