افغانستان شمالیده طالبان جنگری لری امنیتی پوسته گه قره ته هجوم اویوشتیردی

افغانستان نینگ شمالیده جایلشگن سرپل ولایتیده طالبان جنگری لری نینگ امنیتی پوسته گه قره ته هجوم اویوشتیریشی عاقبتیده 5 حربی جان بیردی.

سرپل ولایتی سوزچیسی ذبیح الله امانی, طالبان جنگری لری نینگ سوزمه قلعه اولسواللیگیده امنیتی پوسته گه قره ته هجوم اویوشتیرگن لیگی نی بیلدیردی.

اوشبو حادثه عاقبتیده 5 حربی نینگ جان بیرگن لیگی نی بیلدرگن امانی, 3 امنیتی پرسونل نینگ یره لنگن لیگی و خوفسیزلیک کوچلری دن 6 نفر نینگ ایسه طالبان گروهی تامانیدن اسیر آلینگن لیگی نی معلوم قیلدی. 

امانی, اوشبو هجوم آرتیدن باشله گن توقنه شوو لر نتیجه سیده ایسه 6 نفر طالب جنگری سی نینگ هلاکتگه اوچره گن لیگی نی بیلدیردی. 

طالبان گروهی اوشبو هجوم نتیجه سیده 12 حربی نینگ جان بیرگن لیگی نی ادعا قیلدی.