کابلده اویوشتیریلگن راکتی هجوم عاقبتیده اونلب کیشی جان بیردی و یره لندی

توناوکون افغانستان پایتختی کابلده عبدالعلی مزاری نینگ وفاتی نینگ ییگیرمه تورتینچی ییل لیگی مناسبتی بیلن ترتیب لنگن مراسم گه قره ته اویوشتیریلگن راکتی هجوم عاقبتیده جان بیرگن کیشی لر سانی 11 گه کوتریلیب کیتدی.

افغانستان ایچکی ایشلر وزیرلیگی سوزچیسی نصرت رحیمی عینی دمده اوشبو حادثه عاقبتیده 95 کیشی نینگ یره لنگن لیگی نی بیلدیردی. 

توناوکون ساغلیق نی سقلش وزیرلیگی سوزچیسی وحید الله مایار, اوشبو حادثه عاقبتیده 3 کیشی نینگ جان بیرگن لیگی و 22 نفر نینگ ایسه یره لنگن لیگی نی بیلدیرگن ایدی. 

اوشبو حادثه عاقبتیده جمهوررئیس لیک کاندیدی عبدالطیف پدرام هم یره لندی.  

خوددی شوو مراسم گه حامد کرزی, عبدالله عبدالله, محمد محقق و حنیف اتمر سنگری سیاستچی لر اشتراک قیلگن ایدی.

مذکور حادثه عاقبتیده حنیف اتمر نینگ 8 نفر قوریقچیسی نینگ هم یره لنگن لیگی بیلدیریلدی.