افغانستانده بیر عسکری قرارگاهگه ترورچیلر کیریب هجوم اویوشتیردی

ترور تشکیلاتی طالبان جنگریلری نینگ افغانستان نینگ جنوبیده گی هلمند ولایتیده جایلشگن شورآب عسکری قرارگاهگه هجوم اویوشتیرگنی بیلدیریلدی.  

افغانستان مدافعه وزیرلیگی، 12 کیشی ترورچی نینگ، شور آب عسکری قرارگاه گه هجوم اویوشتیرگنینی و حلی گچه 4 هجومچی نینگ تاثیرسیز وضعیت گه کیلتیریلگن لیگینی بیلدیردی.

مذکور هجومده خوفسیزلیک کوچلری نینگ تلفات بیرگن لیگی بیراق تلفات نینگ سانی حقیده معلومات بیریلمه دی.

مذکور بیاناتده، ایریم ترورچیلرگه قره ته عملیات نینگ دوام ایتیب تورگن لیگی قید ایتیلدی.

ترور تشکیلاتی طالبان گروهی بیرگن بیاناتده، اوشبو هجوم عاقبتیده پیلوتلر هم داخل انچه خوفسیزلیک کوچلری اعضاسی نینگ اولگن لیگینی ادعا ایتماقده.

هلمندنینگ واشیر تومنیده جایلشگن شوراب عسکری قرارگاهده 215 – میوند قول اردو قومندانلیگی بیلن امریکا قوشمه ایالتلری نینگ عسکری کمپی موجود.