طالبان اوروش نینگ دوامی گه طرفدار

افغانستان جمهوررئیس لیگی قصری ارگ طالبان نینگ دولت نینگ هیئتی بیلن بیواسطه مذاکره قیلیش نی رد قیلگن لیگی گه قرشی عکس العمل کورستدی. 

ارگ طالبان گروهی نینگ تینچ لیک نینگ اورنه تیلیشی اورنیگه اوروش نینگ دوام قیلیشی گه طرفدار ایکن لیگی نی بیلدیردی.

ارگ تامانیدن بیریلگن بیاناتده, افغانستان دولتی نینگ تینچ لیک مذاکره لری بوییچه اوز مسئولیتی نی بجا کیتیرگن لیگی نی معلوم قیلدی. 

عینی دمده ارگ, طالبان گروهی نینگ تینچ لیک نینگ تامین ایتیلیشی بوییچه ییترلی مقیاسده قیزیقیش کورستمه گن لیگی نی معلوم قیلرایکن, افغانستان دولتی هیئتی نینگ امریکا قوشمه ایالتلری, سعودی عربستان و بیرلشگن عرب امیرلیک لری نماینده لری بیلن اوچره شگن لیگی نی بیلدیردی. 

افغانستان حکومتی  اوشبو وضعیت نینگ طالبان بیلن بولگن مذاکره لر و افغانستان قوراللی کوچلری نینگ خوددی شوو گروه گه قرشی کوره شی نینگ اداققه ییتگن لیگی معنی سی گه کیلمیدیگن لیگی نی هم معلوم قیلدی.