امریکالیک حربی لر نینگ افغانستاندن چیقیشی خوفسیزلیککه تاثیر قالدیرمیدی

افغانستان جمهوررئیسلیک سوزچیسی هارون چغانسوری, امریکا قوشمه ایالتلری کوچلری نینگ افغانستاندن چیقیشی نینگ خوفسیزلیککه هیچ قنده ی بیر تاثیر قالدیرمیدیگن لیگی نی معلوم قیلدی. 

چغانسوری بیرگن تحریری بیاناتیده, افغانستان خوفسیزلیک کوچلری نینگ 4 یریم ییل آلدین امنیت نینگ تامین قیلینیشی بوییچه مسئولیت نی چیت ایللیک کوچلردن آلگن لیگی نی بیلدیردی.

چیت ایللیک کوچلرنینگ بیر نیچه ییلدن بیری افغانستان خوفسیزلیک کوچلری بیلن مشوره و تعلیمی موضوع لر بوییچه همکارلیک قیلیب کیلیاتگن لیگی نی بیلدیرگن چغانسوری, شوباعث خارجی کوچلرنینگ افغانستان نی ترک قیلیشی نینگ امنیت گه هیچ قنده ی بیر تاثیر قالدیرمیدیگن لیگی نی ایسله تیب اوتدی. 

بیاناتده, اساسی هدف نینگ ایندی افغانستان خوفسیزلیک کوچلری نینگ اوز یورت لرینی مدافعه قیلیش کوچی گه ایگه بولیشدن عبارت ایکن لیگی معلوم قیلیندی. 

خوفسیزلیک کوچلری کوچی نینگ کونساین آرتیب باریاتگن لیگی بیلدیریلگن بیاناتده, تروریزم گه قرشی کوره ش بوییچه قولگه کیریتیلگن موفقیت لرنینگ اوشبو موضوع نینگ اثباتی دن عبارت ایکن لیگی بیلدیریلدی. 

امریکا قوشمه ایالت لری دولت رهبری دونالد ترامپ نینگ, سوریه آرتیدن افغانستاندن هم 7 مینگ حربی سی نی چیقاره دیگن لیگی ادعا قیلینگن ایدی. 

حاضرگی کونده امریکا نینگ افغانستانده 14 مینگدن آرتیق حربی سی موجود.