عمران خان: افغانستان موضوعسی بوییچه امریکا قوشمه ایالتلری بیز بیلن همفکر بولدی

پاکستان باش وزیری عمران خان افغانستانده ییچیم نینگ حربی یول آرقه لی تامین ایتیلمس لیگینی معلوم قیلیب،

"امریکا قوشمه ایالتلری اداره سی، افغانستان موضوعسی بوییچه پاکستان عدالت حرکتی اوله راق 15 ییلدن بیری ایتیب تورگنلریمیز بیلن بیرینچی مرته همفکر بولدی" دیدی.

وزیرلر کینگیشیده گپیرگن عمران خان، امریکا قوشمه ایالتلری نینگ افغانستان خاص نماینده سی زلمی خلیلزادنینگ سفریگه تماس قیلیب،

خلیلزاد امریکا قوشمه ایالتلری باشلیغی دونالد ترامپ نینگ امری بیلن افغانستانده تینچ لیک پروسه سینی کویشیش اوچون یوباریلدی" دیب گپیردی.

اوز حزبی نینگ 15 ییلدن بیری افغانستاندهییچیم اوچون حربی ایمس، سیاسی یوللرنینگ سینشنی ایتگن لیگینی ایسله تیب؛

"امریکا قوشمه ایالتلری اداره سی، افغانستان موضوعسی بوییچه پاکستان عدالت حرکتی اوله راق 15 ییلدن بیری ایتیب تورگنلریمیز بیلن بیرینچی مرته همفکر بولدی. امریکا قوشمه ایالتلری افغانستانده تینچ لی اورنه تیلیشی اوچون بیزدن یاردم سوره یدی. بیراق مین بیرنرسه قیلیشدن کوپراق تینچ لیک پروسه سی نینگ بیر پارچه سی بولیشیمیز کیره ک دیب ایته من. افغانستانده دیالوگ ارقه لی تینچ لیک نینگ حاکم بولیشی اوچون قولیمیزدن کیلگننی قیله میز" دیب ایتدی.

خان، باشقه تاماندن پاکستان نینگ یمنده گی ایچکی اوروش نینگ نهایی بولیشی بیلن تیگیشلی میانجی فعالیتی موضوعسی بوییچه بیانات بیردی.

"باشقه لری اوچون اوروش قیلگندن کوره، میانجی بولیش چانسینی قولگه کیریتیشیمیز جوده مهم دیر. شو اوچون سعودی عربستان بیلن ایران تشقی ایشلر وزیرلری بیلن اوچره شدیم. یمنده گی اورشنی نهایی قیله میز دیب ایشانه من" دیدی.