کابلده 300 عایله گه غذایی مواد یاردم ایتیلدی

تورکیه، افغانستان نینگ پایتختی کابلده 300 عایله گه غذایی مواد یاردم ایتدی.

تورکیه قیزیل یریم آی اداره سی تامانیدن اویوشتیریلگن یاردم و أفغانستان قیزیل یریم آی اداره سیده ترتیب بیریلگن مراسم آرقه لی ترقه تیلدی. مراسم گه تورکیه نینگ کابل بویوک ایلچیسی اوغوزخان ایرتوغرول، تورکیه مهاجرلر اداره سی باشلیغی عبدالله ایاز، تورکیه قیزیل یریم آی باشلیغی ابراهیم آلتان، تورکیه بویوک ایلچی لیک مستشاری ایلکر تورک بیراق و تورکیه قیزیل یریم آی أفغانستان باشلیغی مجاهد صالح دوُران قتنشگن ایدیلر.  

تورکیه قیزیل یریم آی باشلیغی آلتان، 40 ییلدن بیری افغانستانده اوروش نینگ دوام ایتگن لیگینی و مملکت خلقینی فقیر قیلیب قویگن لیگینی ایتدی.

تورکیه قیزیل یریم آی اداره سی اوله راق أفغانستان خلقی نینگ ضرورتلرینی برطرف ایتیش و اولرگه یاردم ایتیش اوچون افغانستانده بیر دفتر ایجاد ایتگن لیکلرینی معلوم قیلیب، بو دفترنینگ أفغانستان قیزیل یریم آی موسسه سی بیلن یاردم فعالیتلرینی بیرگه لیکده آلیب باراتگن لیگینی افاده ایتدی.

آلتان جنابلری، تورکیه قیزیل یریم آیی نینگ کابلده یاردم گه ضرورتی بولمیش 300 عایله گه بیر آی لیک غذایی مواد همکارلیک قیلگن لیکلرینی ایتدی.

آلتان، افغانستانده محتاج انسان و ایشسیزلیک نینگ کوپ بولگن لیگی باعث یاردملری نینگ دوام ایته جگینی بیلدیردی.