ینه افغانستانلیک قاچقینلر قولگه آلیندی

تورکیه نینگ ازمیر ولایتی دیکیلی تومنیده، قاچاق اوله راق یونانگه اوتیب بارماقچی بولگن 154 کیشی قاچقین قولگه آلیندی. دیکیلی کورفزیده بیر پلاستیک قاییق آرقه لی حرکت قیلگن 103 کیشی قاچقیننی اوشلب آلگن.

عیندمده صالح لر آلتی پلاژیده بیر کیمه بیلن حرکت قیلماقچی بولگن 51 کیشی قاچقین قولگه آلینگن.

اوشبو 154 کیشی نینگ مهاجرلر اداره سیگه تسلیم ایتیلگن لیکلری بیلدیریلدی.

باشقه تاماندن تورکیه نینگ وان ولایتی باش قلعه تومنیده 98 کیشی قاچقین اوشلنگن.

ژاندارم کوچلری حدودده گیزمه گه چیققنده افغانستان، پاکستان و بنگلدش تبعه سی 18 ته سی خاتین – قیز، 16 ته سی باله دن عبارت توپلم 98 کیشی قاچقیننی قولگه آلگن.

اوشبو قاچقین لرنینگ کسلخانه ده گی ساغلیق تیکشیروولری نینگ آرتیدن مهاجرلر اداره سیگه تسلیم بیریلگن لیکلری معلوم قیلیندی.