طالبان امریکا بیلن مذاکره قیلیش اوچون تیارگرلیک اوتکزماقده

طالبان گروهی افغانستانده تینچ لیک نینگ اورنه تیلیشی پروسه سی بوییچه امریکا قوشمه ایالتلری بیلن مذاکره قیلیش اوچون تیارگرلیک اوتکزماقده. 

طالبان رهبر لری نینگ اوشبو مذاکره لر اوچون بیر هیئت تعین ایتیش گه حرکت قیلیاتگن لیگی بیلدیریلدی. 

اوشبو هیئت نینگ اوچ یاکه تورت کیشی دن تشکیل تاپه دیگن لیگی معلوم قیلینماقده. 

طالبان تامانی ایلک مذاکره ده اسیر لرنینگ قویب یوباریلیشی خصوصیده بحث ایتیله دیگن لیگی نی معلوم قیلرایکن, امریکا نینگ خوددی شوو مذاکره لر بوییچه جدی ایکن لیگی تقدیرده ایککینچی مذاکره لرنینگ بوله دیگن لیگی نی بیلدیردی. 

طالب مسئول لریدن بیری, "افغانستان نینگ فرقلی منطقه لریده قماقخانه لرده بولگن طالبان لستی نی بیره میز.  اوشبو طالبان لرنی قویب یوباریش لری تقدیرده مذاکره لرنینگ ایککینچی باسقیچی گه اوتیله دی" دییه قید ایتدی. 

امریکا قوشمه ایالتلری و افغانستان دولتی ایسه حاضرچه اوشبو خصوصده هیچ قنده ی بیر بیانات بیرگن ایمس.