افغانستانده ایچکی ایشلر وزیرلیگی گه هجوم قیلگن ترورچیلر یوق ایتیلدی
اوشبو مطلب نی ایچکی ایشلر وزیرلیگی سوزلاوچیسی بیلدیردی
افغانستان خوفسیزلیک کوچلری ایچکی ایشلر وزیرلیگی گه حمله قیلگن ترورچیلر نی یوق ایتدی.
ایچکی ایشلر وزیرلیگی سوزلاوچیسی نجیب دانش اوشبو هجوم نینگ کمیده اون نفر ترورچی تامانیدن اویوشتیریلگن لیگی نی بیلدیررایکن, خودی منه شوو ترورچیلر دن 7 نفری نینگ یوز بیرگن توقنه شوو لر جریانیده اولدیریلگن لیگی نی معلوم قیلدی.
رسمیلر اوشبو حادثه عاقبتیده خوفسیزلیک کوچلری نینگ هر قنده ی بیر تلفات بیرگن لیگی یاکه بیرمه گن لیگی توغریسیده ایسه انیق بیر معلومات بیرمه دی.
بیراق, نجیب دانش, آلدین بیرگن بیاناتلریده وزیرلیک نینگ ایشیگی نینگ اونگیده یوز بیرگن انفجار عاقبتیده بیر نفر امنیتی پرسونل نینگ یره لنگن لیگی نی بیلدیرگن ایدی.
باشقه بیر امنیتی مسئول ایسه, خوددی منه شوو حادثه نینگ کمیده 9 کیشی نینگ جان بیریشی یاکه یره له نیشی گه سبب بولگن لیگی نی معلوم قیلگن ایدی.
حاضرچه ایچکی ایشلر وزیرلیگی گه قره ته اوشبو حمله نینگ مسئولیتی نی هیچ بیر تامان اوز بوینی گه آلگن ایمس.
