امریکا هلمند ولایتیده ییغیلیش اوتکزیب تورگن طالب قوماندانلرینی بمباران قیلدی

امریکا قوشمه ایالتلری کوچلری افغانستان نینگ جنوبیده جایلشگن هلمند ولایتی موسی قلعه اولسواللیگیده ییغیلیش اوتکزیب تورگن طالب قوماندانلرینی بمباران قیلدی.

افغانستان نینگ جنوبیده گی امریکا کوچلری تامانیدن بیریلگن بیاناتده, طالب قوماندانلری نینگ اوشبو ییغیلیش جریانیده سیلاوده امنیت نینگ تامین ایتیلیشی بوییچه مسئول دولت کوچلریگه قرشی حمله پلانی حقیده بحث ایتیاتگن لیک لری بیلدیریلدی. 

عینی دمده امریکا کوچلری تامانیدن بیریلگن بیاناتده, بونده ی عملیات لرنینگ افغانستان کوچلری نینگ طالبان گه باسیم قیلیش کوچینی آرتیره دیگن لیگی معلوم قیلیندی. 

طالبان سوزلاوچیسی قاری یوسف احمدی ایسه, بمباران نی تصدیقله دی.  بیراق, احمدی, اوشبو دایره ده ایککی اوی نینگ بمباران قیلینگن لیگی و خوددی منه شوو حادثه عاقبتیده ایککی نفر ملکی نینگ جان بیرگن لیگی نی بیلدیردی.