تورکیه بیلن افغانستان اورته سیده تجارت ماللری ایندی اوچاق بیلن تَشیله دی

افغانستان بیلن تورکیه اورته سیده گی تجارت حجمی نینگ آرتیریلیشی اوچون ایککی اولکه ماللری نینگ اوچاق بیلن تشیلیشی مقصدیده هوا یولی آچیلدی. 

اوشبو مناسبت بیلن افغانستان پایتختی کابلده حامد کرزی خلق ارا قونلغه سیده بولیب اوتگن مراسمده ایککی اولکه نینگ یوقاری مرتبه لی مقام لری اشتراک ایتدی. 

مراسم نینگ افتتاحیه بولیمیده صحبت قیلگن افغانستان تجارت وزیری همایون رسا, ایککی اولکه اورته سیده گی تجارت حجمی نی آرتیریش نی ریجه لیاتگن  لیک لری نی بیلدیردی. 

تورکیه نینگ افغانستان محصول لری بیلن قیزیقیاتگن لیگی نی بیلدیرگن رسا, اینیقسه مرمر تاشلرگه بولگن قیزیقیش نینگ جوده کتته ایکن لیگی نی معلوم قیلدی. 

رسا, تورک سرمایه دار لرنینگ افغانستانده سرمایه گذارلیک قیله آلیش لری اوچون یخشی امکانیت لر یره تیب بیره دیگن لیک لری نی ایسله تیب اوتدی. 

تجارت وزیری, بوگون ایلک اوچیش بیلن تورک هوا یوللری آرقه لی توپلم 15 تُن قالین و میوه نینگ تورکیه گه یوباریله دیگن لیگی نی بیلدیردی.

تورکیه نینگ کابل ایلچی سی اوغوزخان ارطغرل هم تورکیه بیلن افغانستان اورته سیده گی تجارت حجمی نینگ آرتیریلیشی اوچون سعی و حرکت قیلیاتگن لیک لری نی معلوم قیلدی.