افغانستانده دولت نینگ عالیرتبه مقاملریدن بیری استعفا قیلدی

ننگرهار ولایتی والی سی محمد گلاب منگل, افغانستان جمهوررئیسی محمد اشرف غنی نینگ بیرگن وعده لریگه وفا قیلمه گن لیگی اوچون استعفا قیلدی. 

منگل نینگ اوزی نینگ ایتیشیچه جمهوررئیسی اشرف غنی ننگرهار ولایتیده امنیتی وضعیت نینگ یخشی لشتیریلیشی اوچون اونگه بیرگن وعده لریگه وفا قیلمه گن. 

محمد گلاب منگل, یکشنبه کونی استعفا مکتوبی نی محللی اورگان لر اداره سی گه تاپشیرگن ایدی. 

اوشبو اداره ایسه اونینگ خوددی منه شوو استعفا مکتوبی نی قبول قیلیب اورنیگه هلمند ولایتی والی سی حیات الله حیات نی ننگرهار والیسی ایتیب تعین ایتدی. 

باشقه بیر تاماندن ایسه ننگرهار ولایتی سوزلاوچیسی عطا الله خوگیانی منگل نینگ شخصی سبب لر بیلن استعفا قیلگن لیگی نی بیلدیردی.