افغانستانده انتحاری هجوم اویوشتیریلدی

افغانستان نینگ جنوبیده گی هلمند ولایتیده منفجره مواد یوکلنگن موتر نینگ پارتله تیلیشی عاقبتیده ۱۵ کیشی جان بیردی. 

هلمند ولایتی سوزلاوچیسی عمر زواک انتحاری هجومچی نینگ ولایت مرکزیده گی ستدیوم گه یقین بیر جایده منفجره مواد یوکلنگن موتر نی پارتلتگن لیگی نی معلوم قیلدی. 

زواک عینی دمده اوشبو حادثه عاقبتیده ۴۰ کیشی نینگ یره لنگن لیگی نی بیلدیردی.

عمر زواک انتحاری هجوم چی نینگ کوره ش مسابقه سیدن چیقیاتگن کیشی لر نی هدف قیلیب آلگن لیگی نی معلوم قیلدی. 

اوشبو حمله نینگ مسئولیتی نی ایسه هیچ بیر تامان اوز بوینی گه آلگن ایمس. 

حادثه عاقبتیده جان بیرگن کیشی لرنینگ سانی نینگ آرتیب کیتیشی بوییچه خواطر بیلدیریلماقده.