ترکیه فاریاب ولایتیده مکتب قوردی

ترک همکارلیک و کوردیناسیون آژانسی (تیکا) افغانستان نینگ شمالیده گی فاریاب ولایتی قرغان اولسواللیگی نینگ سرخ بازار قشلاغیده بیر باب مکتب قوردی. 

اون آلتی صنفی بولگن اوشبو مکتب نینگ برچه مصرف لری تیکا تامانیدن تامین ایتیلدی.

اوشبو مکتب نینگ افتتاح ایتیلیشی اوچون بولیب اوتگن مراسم جریانیده معروضه قیلگن فاریاب ولایتی والی سی نینگ اورینباسری عبدالمقیم راسخ, ترکیه بیلن افغانستان نینگ ایککی دوست و قرداش اولکه دن عبارت ایکن لیگی نی بیلدیررایکن, ترک خلقی نینگ جوده یامان شرایطده افغانستان خلقی نینگ یانیده بولگن لیگی نی ایسله تیب اوتدی. 

افغانستانده ترکیه نینگ تیکا واسطه سی بیلن قریب 100 باب مکتب قورگن لیگی نی بیلدیرگن ترکیه نینگ مزار شریف باش قونسلی مصطفی اَردِوِیرَن ایسه, ترکیه نینگ افغانستان گه قره تیلگن یاردم لری نینگ دوام ایته دیگن لیگی نی معلوم قیلدی.