عطا محمد نور استعفاسی نی رد ایتدی
بلخ ولایتی والی سی استعفاسی نی رد قیلدی
افغانستان جمهوررئیسی محمد اشرف غنی اوتگن کونی بلخ ولایتی والی سی عطا محمد نور نینگ استعفاسی نی منظور قیلیب اونینگ اورنیگه انجنیر محمد داوود نی بلخ والیسی اوله راق معرفی قیلگن ایدی.
بیراق, عطا محمد نور استعفاسی نی رد ایتدی.
نور, استعفا بهانه سی بیلن وظیفه سیدن برکنار قیلینگن لیگی نی بیلدیررایکن, هیچ بیر تامان نینگ اونی وظیفه سیدن برکنار قیلیش صلاحیتی نینگ موجود ایمس لیگی نی معلوم قیلدی.
عینی دمده نور اوشبو مطلب نی طرفدارلری بیلن اوتکزگن بیر ییغیلیشی جریانیده بیلدیررایکن, طرفدار لری نینگ قانون دایره سیده حرکت ایتیش لری نی طلب ایتدی.
نور, "بیزگه قره تیلگن ظلم و شدت نینگ آرتیب کیتیشی تقدیرده, بیز هم باشقه یوللر دن استفاده ایتیش گه مجبور بولیب قاله میز" دییه قید ایتدی.
عطا محمد نور, جمعیت اسلامی حزبی و ملی ائتلاف بیلن مشوره قیلیشی آرتیدن نیمه قیله دیگن لیگی نی بیلدیره دیگن لیگی نی ایسله تیب اوتدی.
نور, "بیز ارگ بیلن مذاکره قیلیب یورگن پیتی میزده, ارگ بیزگه طلب لری میز نینگ بجا کیلتیریلیشی تقدیرده هم استعفا ایتمیدیگن لیگی میز نی بیلدیردی. مین هم اوشنده استعفامنی بیلدیرگن ایدیم" دییه ایتدی.
توناوون افغانستان جمهوررئیسلیگی قصری (ارگ) تامانیدن ترقه تیلگن بیر خبرنامه ده, بلخ ولایتی والیسی عطا محمد نور نینگ استعفاسی نینگ جمهوررئیسی محمد اشرف غنی تامانیدن منظور بولگن لیگی و اونینگ اورنیگه انجنیر محمد داوود نینگ بلخ والیسی اوله راق معرفی ایتیلگن لیگی بیلدیریلگن ایدی.
اوشبو خبرنامه گه قرشی جمعیت اسلامی حزبی ایسه قتتیق بیر شکلده عکس العمل کورستگن ایدی.
