گلبدین حکمتیار: میانمارده مسلمانلرنینگ اولدریلیشی گه طالبان سبب بولدی

گلبدین حکمتیار باشچی لیگی ده گی حزب اسلامی تامانیدن بیریلگن بیاناتده, میانمارده مسلمان لر گه قرشی خشونت نینگ قدیم دن بیری موجود بولگن لیگی بیلدیریلرایکن, بیراق طالبان گروهی نینگ بامیان ده گی بودا مجسمه لری نی پارتله تیشی آرتیدن میانمارده مسلمان لرنینگ قیرغین قیلینه باشلنگن لیگی نی معلوم قیلیندی. 

بیاناتده, طالبان گروهی نینگ اوشبو حرکتی نینگ, میانمار ده بودیست لرنینگ مسلمان لر گه قرشی بونده ی بیر قیرغین فعالیتی آلیب باریشی گه سبب بولگن لیگی بیلدیریلدی. 

عینی دمده بیاناتده, شونده ی قیلیب بودیست لرنینگ میانمارده یوزلب مسلمان نی اولدیرگن لیک لری, مینگلب اوی نی یاندیرگن لیک لری و مینگلب مسلمان نی ایسه میانمار نی تَرک ایتیش گه مجبور قیلیب قویگن لیک لری معلوم قیلیندی. 

بوندن تشقری بیاناتده, دنیا ده گی مسلمان رهبر لر نینگ بودیست لرنینگ مسلمان لر گه قرشی آلیب باریتگن اوشبو قیرغین فعالیت لری گه عکس العمل کورستمه گن لیک لری قتتیق بیر شکلده تنقید ایتیلدی.