جوزجان ولایتیده طالبان نینگ کتته بیر قوماندانی اولدیریلدی
خودی منه شوو کیشی بیلن بیرگه ینه تورت نفر جنگری نینگ اولدیریلگن لیگی بیلدیریلدی
افغانستان دولتی محللی مسئول لری خوف سیزلیک کوچ لری بیلن جنگری لر آره سیده یوز بیرگن توقنه شوو لر نتیجه سیده شمالده جایلشگن جوزجان ولایتی فیض آباد اولسواللیگی نینگ طالبان گروهی تامانیدن تعین ایتیلگن اولسوالی مولوی احمدشاه نینگ اولدیریلگن لیگی نی بیلدیردی.
خودی منه شوو کیشی بیلن بیرگه ینه تورت نفر جنگری نینگ اولدیریلگن لیگی بیلدیریلدی.
فیض آباد اولسوالی سایره شکیب سادات طالبان جنگری لری نینگ اوشبو اولسواللیک نینگ مردیان قشلاغی گه حمله قیلیشی آرتیدن جنگری لر بیلن خوف سیزلیک کوچ لری آره سیده توقنه شوو یوز بیرگن لیگی نی بیلدیردی.
سادات, "اوروشلر یکشنبه کونی باشله دی و نتیجه ده طالبان قتتیق بیر شکلده تلفات بیردی" دییه قید ایتدی.
بیراق, سادات, اوشبو حادثه نینگ جزئیاتی و خوف سیزلیک کوچ لری نینگ تلفاتی حقیده ایسه معلومات بیرمه دی.
حاضرچه طالبان تامانیدن ایسه اوشبو خصوصده هیچ قنده ی بیر بیانات بیریلگن ایمس.
