طالبان نینگ منفجره مواد یوکلنگن موتری هدفگه ییتیشمسدن پارتله دی

افغانستان نینگ شمالیده جایلشگن قندوز ولایتیده طالبان نینگ منفجره مواد یوکلنگن موتری هدف گه ییتیشمسدن پارتله دی. 

شمالده گی 209 نچی شاهین قول اردوسی خودی منه شوو حادثه نینگ قندوز ولایتی دشت ارچی اولسواللیگیده یوز بیرگن لیگی نی بیلدیردی. 

شاهین قول اردوسی نینگ بیرگن معلوماتی گه کوره, اوشبو حادثه عاقبتیده ایککی طالبان جنگری سی جان بیررایکن, بیر کیشی ایسه یره لندی. 

اوشبو منفجره مواد نینگ تروریستیک هجوم اوچون تیار وضعیتده موتر گه یوکلنگن لیگی یاکه خودی منه شوو مواد نینگ انتقال ایتتیریلیتگن موضوعی ایسه حاضرچه انیق. 

قندوز شمالده, تیز تیز تروریستیک هجوم لرنینگ اویوشتیریلیتگن بیر ولایت گه ایله نیب قالگن وضعیتده. 

خودی منه شوو ولایت نینگ اوزیده قوراللی دولت مخالف لری نینگ منفجره مواد یوکلنگن موتر لر بیلن دولت کوچ لری گه قرشی هجوم اویوشتیریب کیلیتگن لیگی کورینماقده. 

عینی دمده اوشبو تروریستیک هجوم لر عاقبتیده کوپلب عادی اهالی نینگ هم جان بیریتگن لیگی کوزگه تشلنماقده.