افغانستانده تروریست لر ایندی مسجد لر گه هم حمله قیلیب باشله دی

افغانستان نینگ هرات ولایتیده بیر باب مسجد گه قره ته اویوشتیرگن ترورچیلیک هجوم عاقبتیده اونلب کیشی جان بیردی. 

توناوون آقشام محللی وقت بیلن ساعت 8 دن 30 دقیقه اوتگنده جوادیه مسجدیده یوز بیرگن انفجار حادثه سی عاقبتیده 29 کیشی جان بیررایکن, 64 نفر ایسه یره لندی. 

انتحاری هجومچی بیلی گه باغلب آلگن منفجره مواد نی جماعت نینگ اورته سیده پارتله تیب یوباردی. 

حاضرچه هیچ بیر تامان اوشبو تروریستیک هجوم نینگ مسئولیتی نی اوز بوینی گه آلگن ایمس. 

طالبان هم خودی منه شوو حادثه ده قولی نینگ بولمه گن لیگی نی معلوم قیلدی.