کابلده گی  انفجار نتیجه سیده جان بیرگن کیشی لرنینگ سانی 36 گه کوتریلیب کیتدی

بوگون (دوشنبه) ایرته لب افغانستان وقتی بیلن ساعت 7 ده کابل نینگ غربیده جایلشگن 3 نچی ناحیه ده یوز بیرگن قتتیق بیر انفجار حادثه سی عاقبتیده جان بیرگن کیشی لرنینگ سانی 36 نفر گه کوتریلیب کیتدی.

عینی دمده اوشبو حادثه عاقبتیده 40 کیشی یره لندی. 

 منفجره مواد یوکلنگن بیر عراده موتر بیلن اویوشتیریلگن اوشبو هجوم دایره سیده معدن وزیرلیگی نینگ پرسونلی نی انتقال ایتتیریتگن بیر عراده بس هدف قیلیب آلیندی. 

بوندن تشقری افغانستان ایچکی ایشلر وزیرلیگی تامانیدن بیریلگن بیانات گه کوره, حادثه عاقبتیده 15 باب دوکان بیلن اوچ عراده موتر هم خساره مند بولدی.

معدن وزیرلیگی هم اوشبو حادثه عاقبتیده بعضی پرسونلی نینگ یره لنگن لیک لری نی معلوم قیلدی. 

افغانستان جمهوررئیسی محمد اشرف غنی و اجرائیه رئیسی عبدالله عبدالله اوشبو حمله نی قتتیق بیر شکلده قاره لب چیقدی.

خودی منه شوو حمله نینگ مسئولیتی نی طالبان گروهی اوز بوینی گه آلدی.