کابلده گی انفجار نینگ تلفاتی حقیده سونگگی معلوماتلر

بوگون ایرته لب کابلده یوز بیرگن انفجار عاقبتیده جان بیرگن و یره لنگن کیشی لرنینگ سانی حقیده گی سونگگی معلومات لر. 

افغانستان ساغلیق نی سقلش وزیرلیگی محللی وقت بیلن بوگون (چهارشنبه) ایرته لب ساعت 8 دن 30 دقیقه اوتگنده افغانستان پایتختی کابلده یوز بیرگن انفجار حادثه سی عاقبتیده 319 کیشی نینگ یره لنگن لیگی و 19 نفر نینگ ایسه جان بیرگن لیگی نی بیلدیردی.

ایچکی ایش وزیرلیگی هم جان بیرگن و یره لنگن کیشی لرنینگ سانی نینگ جمعاً 319 نفر دن عبارت ایکن لیگی نی معلوم قیلدی. 

کابل امنیه قوماندان لیگی سوزلاوچیسی حشمت ستانکزی ایسه یره لنگن کیشی لر نینگ سانی نینگ 300 دن عبارت ایکن لیگی نی بیلدیردی. 

 اوشبو حادثه نینگ چهار راهی زنبق منطقه سیده افغانستان تشقی ایش لر وزیرلیگی گه یقین بیر جایده یوز بیرگن لیگی بیلدیریلدی. 

حادثه محللیده فَیر سیسی نینگ ایشیتیلیتگن لیگی معلوم قیلیندی.

عینی دمده اسوشیتید پریس خبر آژانسی افغانستان مقام لری تامانیدن بیریلگن معلومات گه کوره بیرگن خبریده, اوشبو حادثه عاقبتیده کمیده 50 کیشی نینگ جان بیرگن لیگی نی بیلدیردی.

افغانستان نینگ پژواک خبر آژانسی ایسه اوشبو حادثه عاقبتیده 380 کیشی نینگ یره لنگن لیگی و 90 نفر نینگ ایسه جان بیرگن لیگی نی بیلدیردی.

اوشبو حمله نینگ مسئولیتی نی ایسه حاضرچه هیچ بیر تامان اوز بوینی گه آلگن ایمس.