طالبان گروهی نینگ والیسی اولدیریلدی

طالبان گروهی نینگ والیسی اولدیریلدی

افغانستان نینگ شمالیده جایلشگن قندوز ولایتیده تروریست گروهی طالبان نینگ تخار والیسی قاری طیب نینگ ناتو تامانیدن آلیب باریلگن هوائی هجوم نتیجه سیده اولدیریلگن لیگی بیلدیریلدی.

افغانستان ده گی ناتو قرارگاهیدن بیریلگن معلوماتگه کوره، ناتو چوکاتیده وظیفه اجرا ایتیب تورگن امریکا قوشمه ایالتلری کوچلریگه باغلیغ حربی اوچاق قندوزنینگ دشت ارچی تومنیده تروریست گروهی طالبان نینگ موضوعلرینی بمباردمان قیلگن.

اوشبو هوائی هجومده والی بیلن بیرگه لیکده 8 تروریست جنگری سی اولدیریلگن.

مذکور بیاناتده، اولکه ده گی امریکا قوشمه ایالتلریگه قره ته آلیب باریلگن هجوملرنی ریجه له گن قاری طیب نینگ 2011- ییلدن بیری تعقیب آستیده ایکن لیگی معلوم قیلیندی.

بو هجومده منطقه اهالیسیدن هیچ کیم گه ضرر ییتیشمه گن لیگی اورغولندی.

خبر بیلن تیگیشلی طالبان گروهی تامانیدن بیانات بیریلمه دی. ترور تشکیلاتی نینگ بغلان والیسی مولوی لعل تقریباً بیر هفته آلدین آلیب باریلگن عملیات نتیجه سیده اولدیریلگن ایدی.