دینی عالملر: طالبان اسلام گه ضد حرکت ایتماقده

افغانستانده قوراللی مخالف لر اسلام نینگ ضدی گه فعالیت قیلماقده. 

افغانستان نینگ ننگرهار ولایتیده بیر ییغیلیش اوتکزگن اونلب دین عالمی, قوراللی مخالف لر نینگ اسلام نینگ آتی نی یمان قیلیتگن لیک لری نی بیلدیردیلر.

اوشبو عالملر, خودی منه شوو قوراللی مخالف لرنینگ مقدس جهاد نینگ آتی نی یمان قیلیب اسلام گه ضد بیر شکلده فعالیت باریتگن لیک لری نی معلوم قیلدیلر. 

اوشبو عالم لردن بیری بولگن مولوی کندهاری طالبان و داعش نامی بیلن فعالیت آلیب باریتگن افراطی قوراللی گروه لرنینگ اسلام نینگ آتیدن استفاده ایتیب پاکستان گه خدمت قیلیتگن لیک لری نی بیلدیردی. 

مولوی کندهاری, طالبان نینگ حاضرگی کونده دوست و دشمن لری نینگ کیم لردن عبارت ایکن لیگی نی بیلمه گن لیگی نی ایسله تیب اوتدی. 

عینی دمده ننگرهار ولایتی نینگ حج و اوقاف رئیسی مولوی عبدالظاهر افغانستانده دوام ایتیب کیلیتگن اوروش لرنینگ اسلام نینگ آتی نینگ یمان قیلینیشی اوچون موجود بولگن بیر دسیسه دن عبارت ایکن لیگی نی معلوم قیلدی.

او, جهاد آتی بیلن بولیتگن اوروش لرنینگ جهاد ایمس, بلکه بیر فساد دن عبارت ایکن لیگی نی بیلدیردی. 

شونده ی قیلیب اوشبو عالملر, باشقه عالملر نینگ هم خودی منه شوو اوروش لرنینگ اسلام گه قرشی بیر اوروشدن عبارت ایکن لیگی نی انسان لرگه توشینتیریب بیریش لری نی طلب ایتدی.