فاریاب ده تروریست گروهی گه قرشی بویوک موفقیت قولگه کیریتیلدی

فاریاب ده تروریست گروهی گه قرشی بویوک موفقیت قولگه کیریتیلدی

افغانستان نینگ شمالی ولایتلری فاریاب و جوزجان ده طالبان تمان اویوشتیریلگن هجوملر نتیجه سیده 1 کیشی ملکی اهالی جان بیریب، 24 کیشی تروریست اعضاسی اولدیریلدی. فاریاب ولایتی قیصار اولوسوال لیگی نینگ خوفسیزلیک کوچلری قومندانی نظام الدین قیصاری تقریباً 200 کیشی لیک تروریست گروهی نینگ قیصارنینگ چیچکتو و چهلگزی قریه لریگه هجوم اویوشتیرگن لیکلرینی بیراق خوفسیزلیک کوچلری نینگ اوشبو هجوملرنی برطرف ایتیب، 18 کیشی تروریست اعضاسینی اولدیرگن لیگینی بیلدیردی. خودی شو اولگن تروریست لردن ایککی کیشی نینگ پاکستان لیک ایکن لیگینی معلوم قیلدی. قیصاری جنابلری مذکور توقنه شوولرده 24 نفر تروریست گروهی اعضاسی بیلن 3 کیشی خوفسیزلیک کوچلری اعضاسی نینگ یره لنگن لیگینی اورغوله دی. بیراق طالبان گروهی ایسه 2 کیشی خوفسیزلیک کوچلری اعضاسی نینگ اولگن لیگینی ادعا ایتماقده دیر.

باشقه بیر تاماندن فاریاب نینگ خوفسیزلیگی یمان حالتده ایکن لیگی بیلن علاقه لی فیسبوک آرقه لی نشر ایتیلگن خبرلرگه فاریاب نینگ یاش والیسی سید انور سادات جواب قیته ریب، مذکور خبرلرنینگ اصل سیز ایکن لیگینی بیلدیردی. سادات جنابلری قیصار اولوسوال لیگیده گی توقنه شوونینگ خوفسیزلیک کوچلری نینگ موفقیتی بیلن اوز نهایه سیگه ییتیب بارگن لیگینی اورغولب، گرزیوانده توقنه شوونینگ دوام ایتیب تورگن لیگینی، قیسقه مدت ده وطن دشمن لریگه قرشی موفقیت قولگه کیریترلیکلرینی بیان ایتدی.