فاریابده ۷ طالبان جنگری سی اولدیریلدی

افغانستان نینگ فاریاب ولایتی دولت آباد اولسواللیگیده, طالبان بیلن خوف سیزلیک کوچ لری آره سیده یوز بیرگن توقنه شوو لر نتیجه سیده ۷ طالبان جنگری سی اولدیریلدی.

فاریاب ولایتی امنیه قوماندانی سید آقا اندرابی, ۱۱ نفر طالبان جنگری سی نینگ ایسه یره لنگن لیگینی بیلدیررایکن, قوشیمچه کوچ نینگ منطقه گه کیلیشی بیلن قالگن طالبان جنگری لری نینگ قاچیب کیتگن لیگینی معلوم قیلدی.

اوشبو توقنه شوو آرتیدن کوپ مقدار ده قورال و مهمات قول گه کریتیلرایکن, طالبان ایسه اوشبو بیاناتلرنینگ همه سی نی رد ایتیب, خوف سیزلیک کوچ لریدن کوپلب کیشی نی اولدیرگن لیک لری نی ادعا ایتدی.

عینی دمده اوشبو ولایت نینگ قیصار اولسواللیگیده موتر سایکل گه جایلشتیریلگن منفجره مواد نینگ انفجار ایتتیریلیشی عاقبتیده بیر نفر ملکی جان بیردی.