افغانستان صلح اوچره شووی ایرته گه بولیب اوته دی

افغانستان صلح اوچره شووی ایرته گه بولیب اوته دی

افغانستان ده گی اوروشلرنینگ اوز نهایه سیگه ییتیب باریشی بیلن تیگیشلی اوله راق طالبان و افغانستان لیک اداره چیلرنینگ اوچره شووی اوچون بعضی بیر فعالیتلر آلیب باریلماقده دیر. پاکستان، افغانستان، امریکا قوشمه ایالتلری و چین اوشبو فعالیت لرنینگ دوام ایتدیریلیشی اوچون کیلیشدی. خودی شو تورت اولکه آره سیده گی اوچره شوو ایرته گه افغانستان نینگ باشکینتی کابل ده بولیب اوته دی. اوشبو جلسه ده افغانستان اداره چیلری بیلن طالبان اداره چیلری آره سیده گی اوچره شوونینگ تاریخی معلوم بولرلیگی ایتیلماقده دیر. اوچره شوو تاریخی انیق ایمس ایکن بوندن آلدینگی جلسه لرده فبرور آی نینگ سونگی کونلریده بولیب اوتیشی نینگ ممکن ایکن لیگی بیان ایتیلگن ایدی.

ایتیلیشیچه اوچونچی تور عرفه سیده طالبان نینگ قطرده گی سیاسی دفتری نینگ باشلیغی، شیر محمد عباس ستانکزی و طالبان نینگ اعضالریدن قاری دین محمد دیگن بیر کیشی اوچره شگن لر. اوشبو کیشی لر حکومت بیلن مذاکره اوچون اوچره شه یاتگن کیشی لردن ایکن لیگی و حکومت بیلن فبرور آی نینگ سونگی کونلریده اوچره شیشنی تعهد ایتگن لیکلری ادعا ایتیلماقده دیر.