ایچکی ایشلر وزیرلیگی سوزلاوچیسی صدیق صدیقی بیانات بیردی

ایچکی ایشلر وزیرلیگی سوزلاوچیسی صدیق صدیقی بیانات بیردی
افغانستان ده صلح اوچره شووی نقشه سی تعین ایتیلیب، رجه لنیب بارماقده ایکن، تروریست گروهی نینگ هجوم لری ایسه صلح امیدلرینی آزه یتیریب بارماقده دیر. خوفسیزلیک کوچلری اعضالریدن 10 کیشی نینگ اولدیریلیشی بیلن سونگی پیتلرده اولدیریلگن خوفسیزلیک کوچلری اعضالری نینگ سانی 100 کیشی گه ییتیب باردی.
افغانستان ایچکی ایشلر وزیرلیگی سوزلاوچیسی صدیق صدیقی اولکه ده گی وضعیت و ترکیه تمان عملگه آشیریلگن همکارلیک لر بیلن علاقه لی تی آر تی TRT گه بیانات بیردی. صدیقی جنابلری بیز طالبان نینگ حقیقتً صلح اوچره شووی اوچون مثبت معناده حرکت ایتگن لیگینی کورمه یمیز. تهدید و هجوم لرنینگ سانی کون سایین آرتیب بارماقده دیر. حتی افغانستان مطبوعاتی گه قره ته هجوم اویوشتیردیلر. اوشبو حادثه بیز نی قیغوگه تشله دی، دیدی. سونگی پیتلرده ارزگانده 10 پولیس نینگ اوز اورتاغی تمان اوقاتیگه اویقی داروسی تشله نگن لیگی و طالبان نینگ اولرنی اولدیریشی گه باعث بولگن لیگی اولکه ده خلق نینگ تروریزم گه قره ته مجادله توغریسیده خوفسیزلیک کوچلری گه ایشانجی قالمه دی. البته اوشبو حادثه بیزنی قیغوگه توشیرگن. طالبان گه قرشی اوروشماقچی بولیب پولیس گه قوشیلگن ملکی بیر کیشی طالبان بیلن بیرگه لیکده بو حادثه نی عملگه آشیرگن. اوشبو حادثه طالبان نینگ خوفسیزلیک کوچلری گه قرشی عملگه آشیرگن ینگی بیر فعالیتی ایکن لیگینی بیان ایتدی.
صدیقی جنابلری پولیس و خوفسیزلیک کوچلری نینگ اولکه نینگ بعضی بیر منطقه لریده عملیات باشله تگن لیگینی معلوم قیلیب، خوفسیزلیک کوچلری نینگ داعش و طالبان گه بویوک ضرر بیرگن لیگینی عین دمده کوپ سانده تروریستیک هجوم حادثه لریگه مانع بولگن لیکلرینی ایفاده ایتدی.
ایچکی ایشلر وزیرلیک سوزلاوچیسی افغانستان خوفسیزلیک کوچلری نینگ اوستیگه آغیر و قیین مسئولیت نینگ موجود ایکن لیگینی ترکیه کبی دوست اولکه لر بولمه گنده اوشبو قیین مسئولیتلرنینگ عُده سیدن چیقیش نینگ ممکن بولمه گن لیگینی اورغوله دی. صدیق صدیقی ترکیه عسکرلری نینگ خوفسیزلیک تربیه قیلووچی موضوع سی بیلن علاقه لی همکارلیگی دوام ایتماقده دیر. ترکیه نینگ سیواس ولایتیده گی پولیس اکادیمی سیگه هر ییل یوزلب کیشی افغانستان لیک پولیس باریب تحصیل کوریب-کیلماقده دیر. کابل ده هم خودی شو پروسه گه دوام ایتیلماقده دیر. ترکیه نینگ افغانستان خلقی گه عملگه آشیرگن همکارلیک لری اوچون اوز منتدارچیلیگیم نی بیلدیره من، دیدی.