لوگر ولایتیده 45 نفر جنگری اولدیریلدی

افغانستانده لوگر ولایتیده کمیده 45 نفر چیت ایل لیک جنگری اولدیریلدی.
افغانستان نینگ لوگر ولایتیده مرکز و خروار ولسواللیگیده خوف سیزلیک کوچ لری تمانیدن اویشتریلگن عملیاتلر نتیجه سیده 45 نفر خارجی جنگری نینگ اولدیریلگن لیگی بیلدیریلدی.
اوشبو مطلب نی لوگر ولایتی امنیه قوماندانی جنرال داوود احمدی بیلدیردی.
عینی دمده امنیه قوماندانی اوشبو عملیاتلر جریانیده افغانستان خوف سیزلیک کوچلریدن هم ایککی کیشی نینگ جان بیرگن لیگی و بیر کیشی نینگ ایسه یاره لنگن لیگی نی ایسله تیب اوتدی.
جنرال احمدی, اوشبو عملیات لر نینگ نیچه کون دوام ایته دیگن لیگی گه تیگیشلی انیق بیر معلومات بیرمه دی.
بوندن تشقری قندهار ولایتی امنیه قوماندان لیگی نینگ سوزلاوچیسی ضیا درانی توناون قریب 100 نفر طالبان جنگری لری نینگ شورابک اولسواللیگیده اویشتریلگن عملیاتلر نتیجه سیده اولدیریلگن لیگی نی بیلدیررایکن, 50 نفر نینگ ایسه یاره لنگن لیک لری نی معلوم قیلدی.
عینی دمده افغانستان مدافعه وزیرلیگی تمانیدن بیریلگن بیاناتده, ننگرهار, غزنی, پکتیا, ارزگان, دایکندی, زابل, تخار, قندوز, هرات و هلمند ولایتلریده گی عملیات لر نتیجه سیده 175 نفر طالبان جنگری سی نینگ اولدیریلگن لیگی و 82 نفر نینگ ایسه یاره لنگن لیگی قید ایتیلدی.
خودی منه شو بیاناتده, خوف سیزلیک کوچلری دن هم بیش کیشی نینگ جان بیرگن لیگی تائید ایتیلدی.