غزنی قماقخانه سی ده گی محکوم لر طالبان تمان آزاد ایتیلدی

غزنی قماقخانه سی ده گی محکوم لر طالبان تمان آزاد ایتیلدی
غزنی ولایتی نینگ قماقخانه سیگه طالبان گروهی هجوم اویوشتیریب 352 کیشی محکوم نی آزاد ایتگن لیگی بیلدیریلدی. افغانستان اردوسی نینگ کییم لرینی کییب قماقخانه نینگ ایشیگی ده خودکش هجومی اویوشتیرگن طالبان گروهی قماقخانه نینگ ایچیگه کیرماقچی بولگنده خوفسیزلیک کوچلری بیلن توقنه شوو حادثه سی یوز بیرگن. خودی شو توقنه شوو نتیجه سیده 4 کیشی خوفسیزلیک کوچلری اعضاسی 3 کیشی طالبان اعضاسی اولگن لیگی معلوم قیلیندی. اوشبو حادثه نتیجه سیده 10 کیشی خوفسیزلیک کوچلری اعضاسی 4 کیشی طالبان گروهی اعضاسی یره لنگن. میلادی 2011 نچی ییل طالبان نینگ قندهار ولایتی قماقخانه سیگه هجوم اویوشتیرگن لیگی باعث 500 کیشی محکوم قاچیب کیتگن ایدی.