بیرلشگن ملتلرتشکیلاتی نینگ افغانستان بیلن علاقه لی راپوری
افغانستان نماینده سی اوز راپوری نی تقدیم ایتدی
بیرلشگن ملتلرتشکیلاتی نینگ افغانستان بیلن علاقه لی راپوری
بیرلشگن ملتلر تشکیلاتی عمومی سکرترلیگی نینگ افغانستان نماینده سی نیکیلیس هایسیم خوفسیزلیک راپوری تقدیم ایتیش جلسه سیگه افغانستان ده تینچ لیک نینگ برقرار بولیشی اوچون قوشنی اولکه لر و خلق ارا جماعت نینگ همکارلیگی نینگ شرط بولگن لیگی نی معلوم قیلدی. هایسیم تروریست گروهی داعش نینگ افغانستان ده نفوسی نینگ آرتیب بارگن لیگی نی معلوم قیلیب، افغانستان حکومتی بیلن طالبان گروهی آره سیده مذاکره نینگ باشله ییشی نینگ کیره ک بولگن لیگی نی اورغوله دی.
افغانستان نینگ بیرلشگن ملتلر تشکیلاتی نماینده سی ظاهر طنین افغانستان کوچلری نینگ هجوم نینگ اورنیده مدافعه گه قرار تاپگن لیگی نی معلوم قیلیب، اوشبو حادثه نینگ خوفسیزلیک نینگ تأمین بولیشی اوچون مهم بیر حادثه بولگن لیگی نی ایفاده ایتدی. طنین جنابلری اولکه ده مخالف گروه لرنینگ بیر آره گه ییغیلگن لیگی نی عین دمده افغانستان ده 7 مینگ دن آشه خارجی جنگری کیلگن لیگی نی بیلدیردی. بیرلشگن ملتلر تشکیلاتی نینگ راپوریگه کوره سونگی 5 ییل جریانیده افغانستان ده اینگ کوپ اوتگن ییل ملکی احالی اولگن.
