نواز شریف: افغانستان نینگ دشمنی پاکستان نینگ دوستی بوله آلمیدی

پاکستان باش وزیری نواز شریف افغانستان پایتختی کابل گه تشریف بیوردی.
اوشبو سفری جریانیده باش وزیر نینگ ملی خوف سیزلیک و تشقی ایش لر بوییچه مشاوری سرتاج عزیز داخل کوپلب کیشی دن تشکیل تاپگن عالیرتبه بیر هیئت شریف بیلن همراه لیک ایتماقده.
شریف اوشبو سفری دایره سیده افغانستان جمهوررئیسی محمد اشرف غنی و اجرائی رئیسی عبدالله عبدالله بیلن اوچره شدی.
عینی دمده اوشبو سفر دایره سیده افغانستان بیلن پاکستان هیئت لری آره سیده ایریم اوچره شوو لر بولیب اوتدی.
جمهوررئیسی غنی بیلن باش وزیر شریف بولیب اوتگن اوچره شوو آرتیدن مشترک بیر مطبوعاتی کنفرانس ترتیب له دیلر.
اوشبو مطبوعاتی کنفرانس جریانیده جمهوررئیسی غنی افغانستان و پاکستان گه اوروش نینگ تحمیل ایتیلگن لیگی نی بیلدیررایکن, شوباعث خودی منه شو ایککی اولکه نینگ مشترک روشده تینچ لیک نینگ اورنه تیلیشی اوچون سعی و حرکت ایتیشی کیره ک ایکن لیگی نی معلوم قیلدی.
عینی دمده جمهوررئیسی غنی افغانستان بیلن پاکستان نینگ اورته آسیا نینگ اینگ مهم منطقه سیده اورین آلگن لیگی نی ایسله تیب اوتدی.
باش وزیر شریف ایسه, افغانستان و پاکستانده تینچ لیک نینگ تامین ایتیلیشی مسئله سی بیلن ایککی اولکه نینگ هم قیزیقتگن لیگی نی معلوم قیلدی.
بوندن تشقری شریف, افغانستان نینگ دشمنی نینگ هیچ قچان پاکستان نینگ دوستی بولیشی نینگ ممکن ایمس لیگی نی ایسله تیب اوتدی.

افغانستانده سپتامبر آییده ملی بیرلیک حکومتی نینگ قوریلیشی آرتیدن ایلک مراتبه پاکستان باش وزیری نواز شریف کابل گه سفر قیلماقده.