بیرلشگن ملتلر تشکیلاتی نینگ افغانستان راپوری ترقه تیلدی

بیرلشگن ملتلر تشکیلاتی نینگ افغانستان راپوری ترقه تیلدی
بیرلشگن ملتلرتشکیلاتی میلادی 2014 نچی ییل جریانیده افغانستان ده یوزبیرگن تروریزم حادثه لری نتیجه سی نی ترقه تگن دیر. مذکور راپورگه کوره افغانستانده گی تورلی تروریزم حادثه لریده اولگن لرنینگ سانی اوتگن ییل گه کوره 22 فایز آرتیب بارگن دیر. خودی شونده ی بولیب میلادی 2014 نچی ییل جریانیده 3 مینگ 699 کیشی ملکی احالی اولیب، 6 مینگ 849 کیشی ایسه یره دار بولگن دیر. مذکور راپور نتیج سی نینگ میلادی 2009 نچی ییل دن بویان حاضرله نگن 6 ییل نینگ اینگ بویوک رقمی بولگن لیگی بیلدیریلدی. اوشبو راپورگه کوره ملکی احالی نینگ اولیشیگه 72 فایز طالبلر، 14 فایز افغانستان حکومتی و 2 فایز خلق ارا بیردم لیک کوچلری باعث بولگن دیر. میلادی 2014 نچی ییل جریانیده افغانستان دولتی کوچلریدن تقریباً 5 مینگ کیشی اولگن لیگی بیلدیریلدی. خلق ارا کوچلری چوکاتیده گی عسکرلردن ایسه میلادی 2001 نچی ییل دن 2014 نچی ییل گچه توپلم 3 مینگ 500 کیشی اولگن لیگی معلوم قیلینگن دیر.