طالبان هیئتی نینگ چین لیک مسئول لر بیلن صحبت ایتگن لیگی بلدریلدی

طالبان هیئتی نینگ چین لیک مسئول لر بیلن صحبت ایتگن لیگی بلدریلدی.
آلینگن معلومات لر گه کوره, طالبان هیئتی سونگگی پیت لر ده چین گه سفر قیلیب اوشبو اولکه نینگ مسئول لری بیلن افغانستان ده گی وضعیت گه تیگیشلی صحبت ایتگن.
اوشبو هیئت نینگ باشلیغی نینگ دوحه ده گی طالبان نینگ سیاسی اعضا لری دن بیری بولگن قاری دین محمد دن عبارت ایکن لیگی بلدریلگن.
طالبان مسئول لری تمانیدن بیریلگن بیانات ده اوشبو صحبت نینگ اساسی مقصدی نینگ چین گه طالبان نینگ سیاست لری نینگ توشینتریلیب بیریلیشی دن عبارت ایکن لیگی نی بلدرگن.
اوشبو اوچره شو نینگ میلادی ۲۰۱۴ نچی ییلی نوامبر آیی ده پکن ده بولگن لیگی معلوم قلینماقده.
پکن رهبریتی افغانستان دولتی بیلن طالبان آره سیده گی تینچ لیک مذاکره لری نینگ یخشی بیر شکل ده آلیب باریلیشی اوچون بیر پلان نی مطرح ایتگن ایدی.
اوشبو پلان دایره سیده افغانستان, پاکستان, چین و طالبان نینگ نماینده لری نینگ بیر ییغیلیش اوتکزیشی کیره ک ایدی.
افغانستان دولتی نینگ مسئول لری تمانیدن اوشبو موضوع بیلن علاقه لی هیچ قندای بیر بیانات بیریلمه گن لیگی گه قره مسدن, چین خودی منه شو پلان باره سیده استانبول پروسه سی دایره سیده بحث ایتیلگن لیگی نی بلدردی.
چین نینگ افغانستان دن ناتو کوچ لری نینگ چیقیشی آرتیدن اوشبو اولکه ده گی امنیتی خلا دن استفاده ایتیب, چین ده گی اویغور لر نینگ اوز فعالیت لری نی آرتریب یوباریشی بوییچه تشویش لَنیتگن لیگی توغری سیده هم ایریم فکر لر بلدریلماقده.