افغانستان ده اوچ ته جندالله عضوی اولدیریلدی

افغانستان ده اوچ ته جندالله عضوی اولدیریلدی.

سونگیی ییللرده اوله ده ترور فعالیت لری نی دوام ایتتیریب کیله یاتگن تشکیلات گه آغر ضربه اوریلدی.

افغانستان نینگ شمالیده واقع بولگن بغلان ولایتی نینگ بورقع اولوسواللیگیده امنیت کوچلری تمانیدن جندالله ترور تشکیلاتی گه قرشی اوپراسیون ترتیب بیریلدی.

بغلان امنیت مدیرلیگی نینگ سوزچیسی بولگن احمد جاوید بشارت، دولت تمانیدن یوللنگن بیر عملیات نتیجه سیده ایکی ته جندالله تروریستلری نی اولدیلگنی نی و بیر ته سینی هم تیریک قولگه توشگنی نی بیلدیرماقده دیر.

اولدیلگن لردن بیرینی  انتحارحمله لری نی ترتیب بیروچی متخصص قوماندان لردن بیر بولگنی نی بیلدیرگن بشارت، اوشبو ملیشا لر 13 کون ایلگری  برقع ده بیر جنازه مراسمی جریانیده ترتیب بیریلگن انتحار حمله سیده رولی بارایکن لیگی نی ایتتی.

بشارت تشکیلات اعضاسی نینگ اولدیریلیشی بیلن بو سازمان گه کتته ضربه اوریلگنی نی بیان ایتیب، جندالله ترور تشکیلاتی نی سونگی بیر نیچه ایده  اولکه نینگپ شمال ولایت لریده  ترور فعالیت لرینی کوپه یتیریب ییبارگن لرینی قید ایتتی.

بغلان ولایتی نینگ برقع اولوسواللیگیده 13 کون ایلگری  بیر جنازه مراسیمی جریانیده ترتیب بیریلگن انتحار حمله سی نتیجه سیده  9 کیشی اولگن و کوپ سانده هم گناه سیز انسان لر یارلنگن ایدی. همده، تخار ولایتی نینگ اشکمش اولوسواللگیده  تقریبا ایکی ای  ایلگری دولت تمانیدن  ترتیب بیریلگن هوا حمله سیده  جندالله تشکیلاتی نینگ لیدر لرین بیری بولگن ملا شمس الدین اولدیلگن ایدی.