عبدالرشید دوستم انفجار لر نینگ سببی نی توشینتریب بیردی

افغانستان جمهوررئیسی نینگ بیرینچی اورین باسری عبدالرشید دوستمکابل ده گی انفجار لرنینگ حکومت نینگ ایچی ده گی کیشی لرنینگ همکارلیگی بیلن بولیتگن لیگی نی بلدردی.
بوگون (سه شنبه) ایرته لب, اوچ نفر انتحاری هجومچی کابل ده ۹ نچی امنیتی حوزه ده خصوصی بیر شرکت گه حمله ایتیش گه حرکت ایترایکن, اوز هدف لری گه ییتیشمسدن هلاکت گه اوچره دی.
بیرینچی هجومچی موتر گه یوکلب آلگن منفجره مواد نی شرکت گه یقین بیر جای ده پارتله تیب یوباررایکن, قالگن ایککی نفر هجومچی ایسه پولیس تمانیدن تانیلیب اولدیریلدی.
خودی منه شو تروریستیک هجوم عاقبتیده اوشبو شرکت نینگ ایککی نفر محافظی جان بیررایکن, اوچ نفر ملکی ایسه یاره لندی.
افغانستان جمهوررئیسی نینگ بیرینچی اورین باسری عبدالرشید دوستم پلچرخی ده گی حادثه محللی نی کوریب چیقرایکن, "حکومت ده گی نفوذلیک کیشی لرنینگ همکارلیگی نینگ موجود ایمس لیگی تقدیرده, کابل نینگ اورته سیده بوندای بیر هجوم نینگ اویشتریلیشی ممکن ایمس" دییه قید ایتدی.
دوستم, خودی منه شو کیشی لرنینگ زود لیک بیلن تاپیلیب جزالنتریله دیگن لیگی نی ایسله تیب اوتدی.
اوشبو هجوم نینگ مسئولیتی نی اوز بوینی گه آلگن طالبان ایسه سونگگی پیت لر ده حربی لر و پولیس لر گه قره ته اوز انتحاری هجوم لری نی آرتریب یوبارگن وضعیت ده.