کابل ده امنیه قوماندان لیگی بناسی انفجار حادثه سی یوز بیردی

کابل ده امنیه قوماندان لیگی بناسی انفجار حادثه سی یوز بیردی.
خودی منه شو حادثه عاقبتیده کابل امنیه قوماندانی نینگ دفتر رئیسی جان بیردی.
عینی دمده اوشبو حادثه عاقبتیده آلتی نفر نینگ ایسه یاره لنگن لیگی بلدریلدی.
کابل امنیه قوماندانی جنرال ظاهر ظاهر حادثه محللی ده بیرگن بیانات لری ده, بوگون ایرته لب امنیه قوماندان لیگی بنا سی ده اوزی نینگ دفتری گه یقین بیر جای ده انفجار واقعه سی نینگ یوز بیرگن لیگی نی بلدررایکن, دفتر رئیسی نینگ جان بیرگن لیگی نی بلدردی.
ظاهر, "تیکشیرو لر دوام ایتماقده. اوشبو انفجار نینگ انتحاری بیر هجوم یاکه دفتر گه جایلشتریلگن بیر بمب دن عبارت ایکن لیگی نی اویله ماقده میز. براق, اوشبو موضوع بیلن علاقه لی انیق بیر معلومات گه ایگه ایمس میز" دییه قید ایتدی.
اسمی نینگ ذکر ایتیلمس لیگی نی طلب ایتگن کابل پولیسی نینگ بیر نفر مسئولی خودی منه شو هجوم نینگ عسکری یونیفورمی بولگن بیر نفر انتحاری هجومچی تمانیدن اویشتریلگن لیگی نی بلدردی.