جلال الدین حقانی نینگ اوغلی اوشلنگن

افغانستان ده حقانی شبکه سی نینگ ایککی مهم کیشی سی نینگ اوشلنگن لیگی بلدریلدی.
افغانستان ده حقانی شبکه سی نینگ اساسچیسی دن عبارت جلال الدین حقانی نینگ اوغلی انس حقانی و باشقه بیر قوماندانی دن عبارت حافظ رشید نینگ سه شنبه کونی افغانستان ملی امنیتی تمانیدن اوشلنگن لیک لری معلوم قلیندی.
انس حقانی اوشبو شبکه ده اوته مهم بیر کیشی دن عبارت ایدی. او نینگ خودی منه شو شبکه نینگ ستراتیژیک تصمیم لری نی آلیتگن کیشی دن عبارت ایکن لیگی بلدریلماقده.
حقانی شبکه سی نینگ, افغانستان ده کوپلب هجوم لر و آدم لرنینگ آلیب قاچریلیشی بوییچه مسئول ایکن لیگی معلوم قلینماقده.
جلال الدین حقانی میلادی ۱۹۸۰ نچی ییل لری ده سابق سویت اتفاقی گه قرشی اوروشگن ۷۰ یاشیده گی بیر کیشی دن عبارت.
جلال الدین حقانی نینگ عایله سی بیلن بیرگه پاکستان ده یشیتگن لیگی اویلنماقده.