کابل ده ناتو قطاری گه قره ته انتحاری هجوم اویشتریلدی

افغانستان پایتختی کابل ده منفجره مواد یوکلنگن موتر بیلن ناتو قطاری گه قره ته اویشتریلگن انتحاری هجوم عاقبتیده اوچ نفر آیساف کوچی جان بیردی.
اوشبو کیشی لرنینگ جان بیرگن لیگی آیساف تمانیدن هم تائید ایتیلدی.
براق, آیساف, خودی منه شو کیشی لرنینگ قییرلیک ایکن لیک لری باره سیده معلومات بیرمه دی.
ایچکی ایش لر وزیرلیگی, امریکا قوشمه ایالت لری ایلچی لیگی گه یقین بیر جای ده اویشتریلگن اوشبو هجوم عاقبتیده عینی دمده ۱۳ نفر ملکی نینگ هم یاره لنگن لیگی نی بلدردی.
هجوم نی قاره لب چیقگن وزیرلیک, خودی منه شو قطار ده گی ۱۷ عراده موتر نینگ استفاده ایتیله آلمیدیگن بیر وضعیت گه کیلیب قالگن لیگی نی بلدردی.
وزیرلیک خودی منه شو هجوم بوییچه طالبان نی مسئول دیب کورستدی.
خودی منه شو حادثه سببلی منطقه ده گی یول لرنینگ بیر نیچه ساعت لیک بیر مدت بیلن بیرکیتیلیب قویلگن لیگی بلدریلدی.