افغانستان ده طالبان گه قرشی عملیات اویشتریلگن

افغانستان ده فرقلی منطقه لر ده طالبان گه قرشی عملیات لر نتیجه سیده ۴۵ کیشی جان بیررایکن, ۱۶ کیشی ایسه یاره لندی.
افغانستان مدافعه وزیرلیگی تمانیدن بیریلگن بیانات ده, ننگرهار, غزنی, پکتیا, پکتیکا, بغلان, لوگر و وردک ولایت لری ده طالبان گه قرشی آلیب باریلگن عملیات لر نتیجه سیده ۴۱ جنگری بیلن ۴ نفر افغانستان لیک حربی نینگ جان بیرگن لیگی قید ایتیلدی.
عملیات لر نتیجه سیده ۱۶ جنگری نینگ یاره لنگن لیگی و ایککی جنگری نینگ ایسه اوشلنگن لیگی قید ایتیلگن بیانات ده, اولکه نینگ فرقلی منطقه لری ده طالبان تمانیدن کومیلگن ۲۸ ماین نینگ افغانستان کوچ لری تمانیدن تاثیر سیز وضعیت گه کیتیریلگن لیگی بلدریلدی.
عملیات لر نتیجه سیده کوپ مقدار ده قورال و منفجره مواد نینگ قول کریتیلگن لیگی قید ایتیلدی.
طالبان ایسه موضوع بیلن علاقه لی هر قندای بیر بیانات بیرمه دی.