مون: افغانستان ده کاندید لر نینگ وعده لری گه وفا قلیش لری کیره ک

بانکی مون افغانستان ده کاندید لرنینگ وعده لری گه وفا قلیش لری نی طلب ایتگن.
بیرلشگن ملت لر تشکیلاتی عمومی سکرتری بانکی مون افغانستان ده جمهوررئیس لیگی کاندید لری اشرف غنی احمدزی بیلن عبدالله عبدالله نینگ کیلیشموسیزلیک لر نی بیر تمان گه قویشیب ملی بیر حکومت نینگ قوریلیشی اوچون اوز ارا کیلیشیب آلیش لری کیره ک ایکن لیگی نی بلدردی.
مون, ایککی کاندید نینگ سرطان نینگ ۲۱ نچی کونیده امریکا قوشمه ایالت لری تشقی ایش لر وزیری جان کری واسطه چیلیگی ده اوز ارا کیلیشیب آلرایکن, اسد آیی نینگ ۱۷ نچی کونیده ایسه مشترک بیر ملی وحدت حکومتی نینگ قوریلیشی و سیلاو نتیجه لری نینگ قبول ایتیلیشی بوییچه کیلیشیب آلگن لیک لری نی ایسله تیب اوتدی.
مون, افغانستان ده ایلک مراتبه قدرت نینگ تینچ لیک سیور بیر شکل ده انتقال ایتتریلیشی اوچون کاندید لرنینگ بیرگن وعده لری گه وفا قلیش لری کیره ک ایکن لیگی نی معلوم قیلدی.