افغانستان ده طالبان گه قرشی عملیات اویشتریلگن

افغانستان ده طالبان گه قرشی کینگ کولملی عملیات باشله تیلگن.
اوشبو عملیات لر نتیجه سیده ۳۵ نفر طالبان جنگری سی نینگ جان بیرگن لیگی بلدریلدی.
ایچکی ایش لر وزیرلیگی تمانیدن بیریلگن تحریری بیانات ده, سونگگی پیت لر ده طالبان هجوم لری نینگ آرتیب کیتگن لیگی سببلی افغانستان کوچ لری نینگ کینگ کولملی بیر عملیات باشله تیب یوبارگن لیگی بلدریلدی.
بیانات ده, سونگگی ۲۴ ساعت لیک بیر مدت مابینیده ننگرهار, بلخ, قندهار, وردک, پکتیا, هلمند و کاپیسا ولایت لری ده اویشتریلگن عملیات لر نتیجه سیده ۳۵ نفر طالبان جنگری سی نینگ جان بیرگن لیگی و ۱۸ نفر جنگری نینگ ایسه یاره لنگن لیگی قید ایتیلدی.
کوپ مقدارده قورال و مهمات نینگ هم قول گه کریتیلگن اوشبو عملیات نتیجه سیده ایککی جنگری نینگ اوشلنگن لیگی و طالبان تمانیدن فراه و هرات ولایت لری ده کومیلگن ۴ حلقه ماین نینگ تاثیر سیز وضعیت گه کیتیریلگن لیگی بلدریلدی.
طالبان سوزلاوچیسی ذبیح الله مجاهد ایسه, افغانستان نینگ فرقلی جای لری ده اویشترگن هجوم لری عاقبتیده کوپلب افغان و چیت ایل لیک حربی لرنینگ جان بیرگن لیگی نی ادعا ایتدی.
خوف سیزلیک کوچ لری بیلن طالبان جنگری لری آره سیده دوام ایتیب کیلیتگن توقنشو لر سببلی افغانستان نینگ فرقلی منطقه لری ده انسان لر اوز اوی لری نی ترک ایتیب امنیت منطقه لر گه کوچ ایتیش گه مجبور بولیب قالماقده.