امریکا قوشمه ایالتلری ایران قوللب – قوتلاوچی گروپلرگه باغلیق جایلرگه هجوم اویوشتیردی

امریکا قوشمه ایالتلری مدافعه وزیری لوید آستین حربی کوچلری نینگ عراق ده گی ایران قوللب – قوتلاوچی جنگریلرگه باغلیق 3 ته قرارگاه گه هجوم اویوشتیرگن لیگینی بیلدیردی.

لوید آستین بیرگن یازمه بیاناتده، دولت باشلیغی جو بایدن نینگ بویروغی بیلن عراق ده گی ایران قوللب – قوتلاوچی جنگریلرگه باغلیق 3 ته قرارگاه نی نشان آلیب اورگن لیکلرینی معلوم قیلدی.

هجوملرنی کیره کلی ایکن لیگینی معلوم قیلگن آستین "بو هجوملر ایران قوللب – قوتلاوچی جنگریلرنینگ عراق و سوریه ده امریکا قوشمه ایالتلری و ائتلاف کوچلریگه قره ته قول اورگن هجومگه توغریدن توغری جواب اوله راق آلیب باریلماقده دیر." دیب ایتدی.

آستین امریکا قوشمه ایالتلری نینگ منفعتلرینی قوریقلش اوچون کیره کلی آدیملرنی آتیشدن قول تارتمسلیکلرینی معلوم قیلیب منطقه ده گی توقنه شوولرنی کوپه یتیریش گه اورونمه گن لیکلرینی ادعا ایتدی و ایران قوللب قوتلاوچی هجوملرنینگ تیزده توخته تیلیشی بوییچه چقیریق قیلدی.

عراق ده گی محلی ییتکیرمه لرده اورین آلگن خبرلرده هم امریکا قوشمه ایالتلریگه باغلیق اوچاقلرنینگ بابل نینگ کرف السحر منطقه سیده گی هشدی شبعی گه باغلیق حربی فاکولته نی بمباردمان قیلگن لیگینی بیلدیریلگندی. خوددی شو هجومده اولیک و یره لی بارلیگی تاکییدلنگندی.